بغير برنوسي مانبدل نسرج عودي ونقبل
على حبيب قلبي اللور مانوليش
راني عليه نسول زين عمري يهبل
والى جاء في طريقي مايلومنيش
نرفد الكحلة ونهز الفوشي نزدم على عرشي دلالي وماعلاباليش
على الزينة الفحلة راهي ماتفراشي نقتل ونباصي دلالي ومايهمنيش
نسرج عودي حزامة بارودي غيرها ماندي دلالي ماتسالونيش
هي فرحي وسعدي حرم رقادي هي اللي عندي ومن غيرها ماعنديش
صبري طول على حبي اللول ليها زاد شوقي دلالي ماتلومونيش
نمشي ونقبل عليها معول اللي يجي في طريقي دلالي مايحبسنيش
نلبس برنوسي نقصد عروسي نعمر الفوشي دلالي اللور مانوليش
واحد مايسقسي هجروني ناسي نخليها على عرشي دلالي ماتزيدونيش
زاد عذابي عيت نخبي تعمرقلبي دلالي اليوم مانخبيش
تبلع بابي ضاع صوابي مكتوب من ربي دلالي ماتحاسبنيش
حرقتلي الكبدة اي هدي هدة في وقت الشدة دلالي ماتخلينيش
وجدت العدة بيمن نبدا مانظلم مانتعدى اللي خاطيني مايخصنيش
الى تحمت نقتلها نشرب من دمها يزيد يكبر همها ولغيري ماتكونيش
نبني قبتها بيدي ندفنها نقعد نعبدها دلالي ماتكفرونيش
منقوووول
الجمعة يوليو 23, 2010 4:21 pm
