فوائد التفاح ...معلومات عن التفاح ...استخدامات التفاح

السلام عليكم ورحمة الله وبركاته


يقولون " لو الناس يآكلون تفاحه قبل نومهم , مايحتاج وظيفة الدكتور " ..

هذي سمعتهـا لكن يوم جيت اكتب الموضوع نسيت اللي قال هالكلمه لكن بأمكانكم تبحثون في قوقل وتطلعون أسمـه ..


موضوعنا اليوم يتكلم عن ثمرة صغيره , عن ثمرة تكررت صورتها بكتاب المطالعه , عن ثمره يسميها الغرب " آبل " , عن ثمرة تحتوي على فوائد اكثر من عدد سكان الصين , الا وهي التفاحه .. ثمرة التفاحه مصدر هام لطرد السموم والحاجات اللي مش كويسه من الجسم , وعصيرها يتقل ويطارد الفايروسات حتى يخلصها من الجسم [ يقوم بمقام الآمن العام في دولتنا ]







الأسـم العلمي للتفاحه : مالس سيلفيستريس - Malus Sylvestris ..






وفي دراسه حديثه اجراها واحد فاضي أسمه " ريو هاي ليى " بجامعه كورنيل , يقول لكم هالفاضي مع أن التفاح يحتوي على كميه قليله من فيتامين {ج} بس لو تآكل 100 جرام من ثمرة التفاح تمد جسمك بنفس فعالية " مضادة الأكسده " اللي يحصل عليها جسمك عند تناول 1500 ملجم من نفس الفيتامين .


خلونا من هالفاضي .. للتفاح فوائد كما أن للموز فوائد فـ خلونا نذكر لكم فوائد التفاح ..

1 ) تغسل الأسنان وتقوي اللثه
2 ) تقلل من معدلات الكوليسترول في جسم الأنسان
3 ) تخلص جسم الأنسان من السموم , وله خاصيه مطاردة الفايروسات
4 ) التفاح يحمي الأنسان من حالات الأمساك الله يكفينا شرها فـ راح تنسون حليب السعوديه
5 ) تحتوي التفاحه على 30% من اجمالي الألياف ، وهي الحد الآدني من النسبه المئويه اللي يحتاجها الجسم يومياً


فوائد ياربي لك الحمد والشكر بس وين اللي يشتري التفـاح .. طيب بعد ماأزعجناكم بالفوائد نعطيـكم استخدامات التفـاح وهي [ هاتوا ورقه وقلم ]

1 ) علاج لـ الروماتيزيوم والنقرس , وعليهم المداومه على التفاح لأنه يساعد في علاج هالحالات .
2 ) اكل تفاحتين يومياً يقلل من الكوليسترول بالدم بنسبة 10%
3 ) شرب عصير التفاح ثلاث مرات يومياً يمنع الفايروسات من الدخول لجسم الأنسان
4 ) للأشخاص اللي عندهم " سامري " واضطرابات في بطونهم يوصى بآكل التفاح قبل كل وجبه
5 ) خلص التفاح المبشور مع الزبادي يكون علاج لـ حالات الأسهال .



وبعد ماعرفنا فوائد الحمراء المستديره المربعه المتوازيه أضلاع .. وعرفنا أيضاً استخداماتها نجي لـ نصائح ارشاديه من مجموعه شريطيه في سوق الخضره ..

1 ) لمعرفة التفاحه الطيبه اضغط عليها بأصبعك واذا شفت الضغطه تركت أثر في التفاحه فـ لاتشتريها , وانتبه لاتضغطها بقوه وتدخل أصبعك في وسط التفاحه وترجعهآ لأنه احتمال راعي المحل يضغط وجهك ويقول لك : خذها يالسربوت وادفع حسابها ولاعاد اشوفك توطوط عندي هنا !!

2 ) في بيتكم ثلاجه ! أذاً عليك نور بكذا تقدر تشتري تفاح وتحطه في الثلاجه عشان مايخرب على طول .

3 ) بعض التفاح يطلع لونه بني من الداخل وهذا اللون يسبب قلق للي يآكلها ! فـ عند تقطيع التفاحه عليك بدهن مكان القطع بـ الليمون والماء .

4 ) أثبت مجموعة جحلط كنديين أنه اطيب انواع التفاح هو التفاح الأحمر وذالك نظراً لـ احتواء قشر التفاحه الخارجي والثمره من الداخل على عدد كبير من مضاداات الأكسده اللي تحارب الأمراض .



شطحـه طبيـه :


للحصول على أقصى فائده من التفاحه أنك تبلعها كلها بقشرها وكل شيء . مع العلم أن التفاح يصنف ضمن المواد الغذائيه العاليه بالمواد الكيميائيه والمبيدات الحشريه وهذي المواد تنتقل من القشره لداخل التفاحه , ويلجأ بعض السرابيت من بياعين الفواكه الى عملية سمكره ورش التفاحه بمواد شمعيه عشان تعطي لمعـان يخقق الشخص اللي يشوفها وعلى طول يشتريها .







الطرح بطريقتي عشان توصل المعلومه بطريقه حلوه . .. ومن هنا المصدر :فوائد التفاح،الطب البديل



ودمتـم كل ابو دايـم ..

مشكووووووووووور