حبيبي وان قضيت من البعاد سنين كيف انساك؟

لقيتك واسفهلّ الخافق الضامي بعد لقياك *** وتساوت كفـّتك في جيـّتك مع كفـّة اشواقي
لمحتك في مجاهيم السنين وقلت ياحيـّاك ***فداك القلب كان القلب له وسط الصدر باقي
تمركا بالحشا هاك الدلال ومدّ لي يمناك ***تقهوى عبرتن مافارقتني داخل احداقي
من اوّل ماعرفتك والمشاعر ماتريد الاّك ***تركت بجيـّــتك بصمة غرامن باسفل اوراقي
انا اللي ماعرف طعم المحبه والهوى لولاك ***وانا اللي من سريتك بالمحبـّه شفت بـرّاقي
وانا اللي ماعرف طعم الشـهد لولا رحيق شفاك ***وانا اللي ...آآآآآآآآه تكفى لاتزود وتخرب اخلاقي
تحاشيت البعاد ولكن الله كاتبن فرقاك *** وانا مالي سوى حفظ الوداد وحفظ ميـثاقي
تـغافلني الزمان بساعتن سجـّيتها ويـّاك ***وانا اللي ماحسبت ان الزمن بيصير سـرّاقي
حبيبي وان قضيت من البعاد سنين كيف انساك؟ ***وانا اللي لو تركتك للبعاد القاك باعماقي!
حبيبي وان طفت شمس الوصال اشعلت لك ذكراك ***لك الله بآصلك مادام في عمري بقى باقي
وفاي اللي تعلــّــمته حبيبي .. من عظيم وْفاك ***طريقك ياوليفي بالمحبـّه .. تسـْـلكه ساقي
بـودّع صوتك اللّيله على باقي أمل لقياك ***عسى الله يجبر كسور الزمن وتعود لعناقي

» دون همسك حبيبي
» طال الانتظار حبيبي
» حبيبي انساني
» حبيبي لاتقل احبك؟