يعرفونا غير في وقت صلاحهم !

السلام عليكم خوتي واش راكم ؟

إن شاء الله بألف خيــ ــــ ــــر

كيما قريتو في العنوان اليوم راني جاي نحكي على هاذوك الناس

اللي يجونا غير كي يولو يحتاجونا , و الله واحد الناس

راني موجوع منهم بزاف مي ما نحبش نفلق في الوجه //

جامي يسقسي عليك , و كي يولي عندو فيك صلاح

اللي تتلاقاه في الطريق يقولك راه يحوس عليك فلان ... جامي عيطلك في التيليفون

و كي يولي يحتاجك تلقى 100000 أpال أونابسونس

جامي جاك لدار و كي يولي مخصوص يجي يريب عليك الباب

بلا حشمة لا والو يجيك بجهو صحيح ...

و الله أنا نحشم واحد بالاك نحس بروحي مقصر

من جيهتو ما نروحلوش في وقت صلاحي

لي ما عرفتوش في وقت الهناء لواش نعرفو في وقت الشدة ..

صح اللي راني معاه صافي و صاحبي و متفكرو ديما و متفكرني هو ثاني

معليش نوقف معاه و يوقف معايا

و ما غلطش اللي قال ( الصديق في وقت الضيق )

راني بلعاني درت سطر تحت كلمة الصديق

يعني إذا ما كنتش أنا أصلا صديق ليك علاش تجيني في وقت الضيق ؟

مي الله غالب حنا قلوبنا بيوضة و ما نردو حتى واحد

ما علاباليش كي شغل حشمة و لا بالاك هاكا والدينا رباونا

ايه رانا بير بلا غطى اللي جا يشرب منو مي قليل لي يستاهل حتى يفوت من حذاه

و المشكلة الvيس هاذا لحقنا هنايا للمة , ناس جامي يسقسو علينا

و كي تولي في صلاحهم يجوك يجرو ديرنا هاذي و هاذي

مي معليش الدنيا بلوجوه و لاخرة بلفعال

بالسلام أختم الكــ ـــــ ــلام

ماتتقلقش خوك اعطيلي نيمروك وانا نعيطلك كل وقت هههههههههههه

هههههههههههه و الله غير كاين ناس بزاف هكذا

كاين بزاف كيما هكدا

oui sah

هاذا حال الدنيا مي مش الناس كاملين

hadi sah djebtha rani nchoufha partou ma3labalich 3lah ydiro haka

صح واش راك تقول خو بصح وكان دير علي هدا راك تمرض وتفاشي كامل العباد اكيد الناس غواتها المشاكل والفتن الله يجعل الخير وخلاص ؟؟؟؟؟؟؟؟ مرسي وليدووووووووووووووووووووووووووووووووووووووووووووووو