يا حسراه عليك يا الدنيا

كلمات الاغنيه :

يا حسراه عليك يا الدنيا فيك حكاية وحكايات

ياحسراه = اه منك
ساميني وقعدي حدايا واحكيهم لي بثبات

سامني = تعالي جنبي

علاش هكذا حاقدة وسمية ظلي تبدلي في الصفات تعذبي

سميه= مسمومه

فيا غير بشوية عييت من عذابك براكات

عييت= تعبت

تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات دخلت

التذكيره=تذكرة مسريحة الدنيا

للقاعة صفقوا عليا طلع ستار والضو طفات
لقيت روحي في تمثيلية والديكور خوف ودمعات
طمعتيني ودرتي عليا عندي جدي بالصحبات
شحال من سلطان كان في دنيا جيوش الامر وطيعات

شحال=كم

مال وعز قصور وسرايا العسة عليه بالالوفات

العسة = الحراسه

غفل غفلة تقلبت الحية فليلتو مالقى وين يبات وكلتي

الحيه= كل ما يملكه

فلان عسل وفاكية وفلان شمختي لو الفتات

شمختي = بللتي له فتاة الخبز

فلان قلعتي لو الذرية وحياتو من الفرحة خوات

خوات= فرغت

فلان طلق مرتو المسكية زعف كي جابتلو البنات

زعف= انزعج

المسجون يرجى الحرية بالدقيقة يحسب لوقات

الشهار يحلم بالشهرية يا حليلو مولا وليدات

الشهار= هو العامل الذي يتلقى اجره كل أخر شهر و يقصد هنا بالفقير
مولا اوليدات=اب أولاد

كبدة لميمة مشوية على واش سهرت واش ربات

لميمه=الام

على وليدها بدل الجنسية عجبو زين الروميات

ولدها هاجر الى الغرب و أعجب بجمال الاجنبيات

خلى يماه وحدانية من الحرقة والبكا تعمات

خلى يماه=ترك والدته

باش يبين الرجولية بعث لها زوج محرمات

و كي يظهر رجولته أرسل لوالدته اثنين من المناديل

نهار كانت الدنيا دنيا الوالدين علقوا لهم شيعات

يوم كانت الدنيا دنيا الوالدين كان لهم شان عظيم

اليوم الوالدين راهي مرمية في مراكز الشيخوخاتا

و اليو مرمين في مراكز الشيخوخه

انتي دنيا يدك زهرية انا يدي فيه الكيات

يدي بها جروح

مع الواقف درتي جمعية سماها دخلات وخرجات

مع من يسمي نفسه فاهم

القليل بعثتي لو خطية جا يصلي تلفت لو الصلاة

القليل= الفقير ارسلت له الدنيا أخطاء حتى في الصلاة

كي سلم انسى التحية وكي تحى نسا زوج ركعات

اخطأ حتى في صلاته

المال فاني والعظام راشية فاتت جناس وتمحات

المال يفنى و العظام هشة و كم فات من جناس من الدنيا و اخذتهم الموت

اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات

الشاقي من أهوته الدنيا يمضي أخرته بالنار تاكل جسده

جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات
دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كمال مسعودي برية قراها قيتار وألات

ياسين اظن كاتب القصيده و كمال مسعودي
بعثها برسالة قرأها بالقيتاره و الالات الموسيقيه

والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث

نموت عليها هده الاغنية بارك الله فيك

» طمني عليك محمد فؤاد
» اذا ضاقت نفسك عليك يوما
» مادا فعلت لك ايتها الدنيا
» يا سلام عليك يا زياني ماذا فعلت بــــ................
» ماذا تحب من الدنيا!!!